აგრარულმა ბაზრებმა რძის პროდუქტებზე მოთხოვნა შეამცირეს

მეწარმეები, რომლებიც ნედლი რძისგან დამზადებული პროდუქციით ამარაგებენ სავაჭრო ობიექტებს უცვლელ რეჟიმში განაგრძობენ მუშაობას, თუმცა  ბაზარზე გარკვეული ცვლილებები შეინიშნება.

ჩვენთან საუბარში, რძის გადამამუშავებელი საწარმოების წარმომადგენლები მათ სექტორში მიმდინარე პროცესებს აფასებენ და გარკვეულ ცვლილებებზე საუბრობენ, რაც ქვეყანაში Covid-19-ის წინააღმდეგ მიღებული ზომებით არის გამოწვეული.

ბოლო კვირის განმავლობაში, მოთხოვნა ნედლი რძისგან დამზადებულ პროდუქტზე სუპერმარკეტებსა და მაღაზიებში არ შემცირებულა, რიგ შემთხვევებში საგრძნობლად გაიზარდა კიდეც, რასაც ვერ ვიტყვით აგრარულ ბაზრებზე. მეწარმეების შეფასებით დღეს ღია ბაზრებზე ნაკლები პროდუქციის რეალიზაცია ხდება, რაც მყიდველების რაოდენობის შემცირებით და არსებული გაურკვევლობით არის გამოწვეული. 

მეწარმეები აღნიშნავენ, რომ ბაზრებზე პროდუქტს ძირითადად მოსახლეობა და ასევე  რესტორნების, სასტუმროებისა და სხვა საკვები ობიექტების წარმომადგენლები ყიდულობდნენ, შესაბამისად მოთხოვნის შემცირება ბაზრებზე ლოგიკურია. გარდა ამისა მოვაჭრეებისთვის ბუნდოვანია მომავალშიც განაგრძობენ თუ არა ბაზრები ფუნქციონირებას, რადგან ყოველდღიურად მკაცრდება უსაფრთხოების ზომები, ამიტომ ისინი არ იმარაგებენ გასაყიდ პროდუქტს და ცდილობენ მინიმალური რაოდენობა შეიძინონ.

მწარმოებლები, რომლებიც ნედლი რძისგან დამზადებული პროდუქციით ჰიპერმარკეტებს და ქსელურ სუპერმარკეტებს ამარაგებენ, გაზრდილი მოთხოვნის მიუხედავად, არ გეგმავენ ფასები გაზრდას.

794

 

მსგავსი

 

რძის პროდუქტების სამომხმარებლო ფასების ინდექსი – 2021 V

 

ქართველი მომხმარებლისთვის რძის პროდუქტი რეკორდულად ძვირი რჩება - წლიური გაძვირებ...

რძის პროდუქტების იმპორტი 2021 V

 

მაისში რძის პროდუქტების იმპორტის მოცულობამ ნედლი რძის ექვივალენტში 13 მილიონი ლი...

რძის წარმოების მომგებიანობის ინდიკატორი – 2021 V

 

ქართული ინტენსიური ფერმების მომგებიანობის ინდიკატორი ახალ ისტორიულ მინიმუმამდე შ...

 

comments powered by Disqus