GHN: სურსათის ეროვნულ სააგენტოში მემორანდუმი გაფორმდა

 

ახალი ამბების სააგენტო GHN-ის მიხედვით:

"სურსათის ეროვნულ სააგენტოში ხელი მოეწერა მემორანდუმს საქართველოს სურსათის ეროვნულ სააგენტოსა და თურქეთის თანამშრომლობისა და კოორდინაციის სააგენტოს (TİKA) შორის, რომელიც ითვალისწინებს ქართველი და თურქი ვეტერინარებისა და მცენარეთა დამცველების თანამშრომლობას და ტრენინგებს აგრარული მიმართულებით.

მემორანდუმს ხელი მოაწერეს სურსათის ეროვნული სააგენტოს უფროსმა ზურაბ ჩეკურაშვილმა და თურქეთის თანამშრომლობისა და კოორდინაციის სააგენტოს (TİKA) თბილისის ოფისის კოორდინატორმა ნეჯლა დემირდაღმა.

„ცხოველთა ინფექციური და მცენარეთა სოკოვან-ბაქტერიული დაავადებების რისკის შეფასებისა და ზედამხედველობისათვის მნიშვნელოვანია ორ ქვეყანას შორის თანამშრომლობა. თურქულ მხარესთან ერთად ვგეგმავთ დიაგნოსტიკის ლაბორატორიული მეთოდებისა და ადრეულ ეტაპზე ვირუსის შემოჭრა-შემოტანის გამოვლენის მექანიზმის დახვეწას, რაც კიდევ უფრო განამტკიცებს ქვეყნის ეპიზოოტიურ და ფიტოსანიტარიულ კეთილსაიმედოობას", - განაცხადა სურსათის ეროვნული სააგენტოს უფროსმა ზურაბ ჩეკურაშვილმა.

თურქეთის თანამშრომლობისა და კოორდინაციის სააგენტო (TİKA) თურქეთის მთავრობას დაქვემდებარებული საერთაშორისო ტექნიკური დახმარების ორგანიზაციაა, რომელიც 1992 წელს დაარსდა და დღეისათვის 59 ქვეყანაში საქმიანობს."


ბმული პირველწყაროსთან

585

 

მსგავსი

 

ნედლი რძის ფასები საქართველოში – 2020-12-01

 

GeorgianDairy-ს გასული კვირის გამოკითხვის მიხედვით, კილოგრამი ნედლი რძე შინამეურ...

2020 წელს რძის სექტორში ჩადებული ინვესტიციები მხარდამჭერი პროგრამების არსებობამ განაპირობა

 

GeorgianDairy-ს მიერ გამოკითხული რძის მწარმოებელი ფერმერული მეურნეობებისა და გად...