საქართველოს მერძევეობის ასოციაცია თბილისის ინფექციურ საავადმყოფოს ნედლი რძის პროდუქტებით მოამარაგებს

ასოციაცია თავისი წევრი ფერმებიდან მიღებულ ნედლ რძეს, ასოციაციის წევრ კომპანია „შირაქი“-ის საწარმოში გადაამუშავებს და შემდგომში მზა პროდუქციას ინფექციურ საავადმყოფოს მიაწვდის.

„საქართველოს მერძევეობის ასოციაციის წევრებს, ფერმერებს გაგვიჩნდა იდეა, რომ შესაძლებლობების ფარგლებში დავხმარებოდით სახელმწიფოს Covid-19-ის ვირუსის წინააღმდეგ ბრძოლაში და გადავწყვიტეთ უსასყიდლოდ მოგვემარაგებინა თბილისის ინფექციური საავადმყოფოს პერსონალი და იქ მოთავსებული პაციენტები მათთვის საჭირო ნედლი რძის პროდუქტებით. გარემოს დაცვისა და სოფლის მეურნეობის სამინისტროსთან კოორდინირებით, დავუკავშირდით საავადმყოფოს და მივიღეთ მათგან ინფორმაცია, თუ რა რაოდენობის და დასახელების ნედლი რძის პროდუქტები ესაჭიროებოდათ. შედეგად, ასოციაციამ შპს „შირაქი“-ის საწარმოში დაამზადა საჭირო რაოდენობით პროდუქტი, რომლითაც დღეს უკვე მოვამარაგეთ საავადმყოფო. ჩვენ სისტემატურად გავაგრძელებთ ინფექციურ საავადმყოფოს მომარაგებას ჩვენი ნედლი რძის პროდუქციით პანდემიის წინააღდეგ ბრძოლის პერიოდში.“-განაცხადა ნიკოლოზ ბენიაიძემ, „საქართველოს მერძევეობის ასოციაციის“  გამგეობის თავმჯდომარემ.

 

1375

 

მსგავსი

 

მშრალი ნივთიერების განსაზღვრის წესი მიკროტალღური ღუმელის მეშვეობით

მეთოდი განკუთვნილია ნოტიო უხეშ საკვებში და მთლიან საკვე...

ნედლი რძის ფასები – გამოკითხვის შედეგები – 26-06-2020

 

შინამეურნეობებისა და ექსტენსიური ფერმების ნედლი რძე წლიურ გაძვირებას აგრძელებს....

 

comments powered by Disqus