სახელმწიფო რძის ფხვნილის ფასს დააზღვევს

საქართველოს გარემოს დაცვისა და სოფლის მეურნეობის სამინისტრომ მიიღო გადაწყვეტილება, რომ დააზღვიოს ფასები 9 ძირითად სასურსათო პროდუქტზე. სხვადასხვა მარცვლეულთან და ბურღულეულთან ერთად ჩამონათვალში რძის ფხვნილიც მოხვდა.

ფასების დაზღვევა გულისხმობს, უცხოურ ვალუტაში პროდუქტის შეძენისას, ლარის გაუფასურებით გამოწვეული ფასნამატის ანაზღაურებას, იმ ბიზნესოპერატორებისთვის, რომლებიც ახორციელებენ სახელმწიფოს მიერ დასახელებული 9 პროდუქტის იმპორტს საქართველოში.

კონკრეტულად, მექანიზმი შემდეგნაირად იმუშავებს, სახელმწიფო წინასწარ განსაზღვრავს ფიქსირებულ გაცვლით კურსს, დოლართან მიმართებაში ეს იქნება 3 ლარი, ხოლო ევროსთან - 3.3 ლარი და განახორციელებს მხოლოდ წინასწარ ფიქსირებული კურსზე ფასნამატის სუბსიდირებას, პროდუქტის შეძენისას არსებული კურსის შესაბამისად. მაგალითისთვის, თუ იმპორტიორმა საზღვარგარეთ შეიძინა რძის ფხვნილი და ანგარიშსწორება ხორციელდება ევროში, ხოლო შეძენის დღეს არსებული კურსი აღემატება წინასწარ ფიქსირებულ 3.3 ლარს, სახელმწიფო ბიზნესოპერატორს აუნაზღაურებს, ევროს შესყიდვისას, 3.3 ლარის ზემოთ გადახდილ ფასნამატს. სახელმწიფო ანაზღაურებას ბანკების მეშვეობით განახორციელებს, რომლებიც მესამე მხარეს წარმოადგენენ მოცემულ სქემაში.

აღნიშნული შეღავათი გავრცელდება, იმპორტიორების მიერ, 15 მარტიდან 15 მაისამდე შეძენილ პროდუქციაზე, თუმცა სახელმწიფომ ბიზნესოპერატორების მიმართ თავისი ვალდებულების ანაზღაურების ბოლო ვადად 15 ივლისი განსაზღვრა. ეს ინიციატივა ავტომატურად არ გავრცელდება იმპორტიორ კომპანიებზე, კომპანიებმა თავად უნდა მიმართონ სამინისტროს შეღავათის მისაღებად.

სამინისტროს წარმომადგენლების განცხადებით, აღნიშნული ინიციატივის მიზანი საბოლოო მომხმარებლისთვის ფასების შენარჩუნება და ბიზნესის ხელშეწყობაა, თუმცა, არ არსებობს გარანტიები, რომ სავაჭრო ობიექტები არ გაზრდიან ფასებს სუბსიდირებულ პროდუქტებზე. 

სურსათის და სოფლის განვითარების დეპარტამენტის ხელმძღვანელის, თენგიზ კალანდაძის განცხადებით, არსებობს მხოლოდ სიტყვიერი შეთანხმება სავაჭრო ქსელების წარმომადგენლებთან, რომ ისინი არ გაზრდიან ფასს. მისი განმარტებით, იმ შემთხვევაში, თუ სავაჭრო ქსელებში აღნიშნულ 9 პროდუქტზე ფასები მაინც გაიზრდება, სამინისტრო გამოაშკარავებს ასეთ ქსელებს, რაც დააზარალებს მათ რეპუტაციას.

სამინისტრო შესაბამის დადგენილებას 24 მარტამდე გამოაქვეყნებს.

123

 

მსგავსი

 

ENPARD პროგრამის საგრანტო კონკურსზე განაცხადების მიღების ვადა გახანგრძლივდა

გაეროს სურსათისა და სოფლის მეურნეობის ორგანიზაციისა (FAO) და ევროკავშირის (EU) მიერ დაფინანს...

რძის ფხვნილის საერთაშორისო ბაზარი (16-27 მარტი, 2020) – USDA

 

ამერიკის შეერთებული შტატების სოფლის მეურნეობის დეპარტამენტის, USDA-ს მიხედვით სა...

რა გავლენა აქვს კარანტინს მარნეულსა და ბოლნისში რძის წარმოებაზე?

მარნეულის და ბოლნისის მუნიციპალიტეტები მდებარეობს ქვემო ქართლის რეგიონში, რომელიც გამოირჩევა ნედლ...

 

comments powered by Disqus