სახელმწიფოსგან დმანისში მეცხოველეობის 4 კოოპერატივს სასოფლო ტექნიკა და საძოვრები გადაეცა

 

დმანისში არსებულ სასოფლო-სამეურნეო  კოოპერატივებს „მოურავი“ „მთის ძირი“ „იმედი“ და „ბოსლები“ „მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალური გამოყენების“ სახელმწიფო პროგრამის ფარგლებში სასოფლო-სამეურეო ტექნიკა და სათიბ-საძოვარი 25 წლიანი იჯარით გადაეცა.

კოოპერატივებს, რომლებშიც გაწევრიანებულია 100-მდე  მეპაიე, მობილიზებული ფურების რაოდენობა კი  900-ზე მეტს შეადგენს, პროგრამის ფარგლებში, საქართველოს მთავრობის გადაწყვეტილებით 2000 ჰა-მდე   სათიბ-საძოვარი  25 წლიანი იჯარის უფლებით მისცეს.

კოოპერატივების   მეპაიეებს დმანისის მუნიციპალიტეტში ტექნიკა გარემოს დაცვისა და სოფლის მეურნეობის მინისტრის პირველმა მოადგილე გიორგი ხანიშვილმა, სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძემ და ქვემო ქართლში სახელმწიფო რწმუნებულმა შოთა რეხვიაშვილმა გადასცეს.  

სახელმწიფო პროგრამის ფარგლებში სასოფლო-სამეურნეო კოოპერატივებმა  90 % -იანი თანადაფინანსებით მიიღეს  ტრაქტორი გუთნით, როტაციული და სეგმენტური სათიბელათი, ფოცხით, მოთიბული მასის დამწნეხით და მისაბმელით ტვირთის ტრანსპორტირებისათვის.

„მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალური გამოყენების“ სახელმწიფო პროგრამა ხელს უწყობს  მაღალმთიან რეგიონებში მოსახლეობის დასაქმებას, შემოსავლების ზრდას და მიგრაციული პროცესების შეჩერებას. საქართველოს სხვადასხვა რეგიონიდან ამ დროისთვის სახელმწიფო პროგრამაში ოცდაცხრამეტი სასოფლო-სამეურნეო კოოპერატივია ჩართული. 

217

 

მსგავსი

 

პირუტყვის სულადობის შემცირების მიუხედავად, საქართველოში რძის წარმოება იზრდება

 

ქვეყანაში წარმოებული რძის რაოდენობა იზრდება. საქართველოს სტატისტიკის ეროვნული სა...

იაპონელმა ექსპერტებმა ქართველ ფერმერებს იაპონური კოოპერაციის გამოცდილება გააცნეს

 

სასოფლო-სამეურნეო კოოპერატივების განვითარების სააგენ...

ევროკავშირმა მესტიის მუნიციპალიტეტში სოფლის განვითარების ახალი პროექტები დაიწყო

 

ევროკავშირი სვანეთში სოფლის მეურნეობის განვითარების...