სამომხმარებლო ფასების ცვლილება - 2018 წლის ნოემბერი

 

ოფიციალური სტატისტიკით, ნოემბერში თვიურმა ინფლაციის დონემ +0.7%, ხოლო წლიურმა ინფლაციის დონემ კი +1.9% შეადგინა. რაც შეეხება კონკრეტულად რძის პროდუქტს, ფასების ცვლილება საკმაოდ ახლოსაა ინფლაციის მაჩვენებლებთან.

საქსტატის რეპორტის მიხედვით, სამომხმარებლო ფასების თვიურ ცვლილებაში ყველაზე დიდი  წლვილი სურსათისა და უალკოჰოლო სასმელების ჯგუფს ჰქონდა. მასში შემავალ ქვეჯგუფზე „რძე, ყველი და კვერცხი“ ფასებმა ოქტომბერთან შედარებით 3.3%-ით მოიმატა; აღნიშნული მეტწილად იმერული და სულგუნი ყველების გაძვირების შედეგი უნდა იყოს.

 

 

მონაცემთა წყარო: საქსტატი

ოქტომბერთან შედარებით ნოემბერში

  • ფასები ყველაზე მეტად ქარხნულ რძეზე დაეცა (-2.5%)
  • ყველაზე მეტად კი ყველი გაძვირდა: იმერული 7.8%-ით, სულგუნი 3.4%-ით.
  • კარაქი, რომელიც უკვე კარგა ხანია ძვირდება, ნოემბერშიც გაძვირდა - თითქმის ერთი პროცენტით

 

 

მონაცემთა წყარო: საქსტატი

წინა წლის ნოემბერთან შედარებით მიმდინარე წლის ნოემბერში

  • სეზონური გაძვირების მიუხედავად, წლიურ ჭრილში ყველი გაიაფებულია
  • სულგუნი 3.9%-ით გაიაფდა, იმერული 1.9-ით.
  • საინტერესოა რომ ფასების წლიური კლება ძირითადად იმ პროდუქტებს შეეხოთ რომლებზეც შინამეურნეობები სპეციალიზდებიან
  • ამასთან, აღსანიშნავია რომ „გლეხის“ რძე, სულგუნი, იმერული და მაწონი წელს (11 თვის ჯამში) საშუალოდ 2%-ით უფრო ძვირი ღირს ვიდრე შარშან
  • „კარაქი და სპრედის“ ნოემბრის ფასი შარშანდელს 8.2%-ით აღემატება რაც ყველაზე მაღალი მაჩვენებელია რძის პროდუქტებში

 

რძის პროდუქტების სამომხმარებლო კალათა

ჩვენი შეფასებით, რძის პროდუქტზე სამომხმარებლო ფასების ცვლილებამ თვიურ ჭრილში +0.97% შეადგინა, ფასები წლიდან წლამდე კი  +1.99%-ით შეიცვალა.

მონაცემთა წყარო: საქსტატი; GDPI ინდექსი შედგენილია GeorgianDairy-ს მიერ

GDPI ინდექსის მიხედვით, რძის პროდუქტების სამომხმარებლო კალათა გასულ 12 თვეში 2.07 ლარით (1.99%-ით), 103.95-დან 106.02 ლარამდე გაძვირდა. აღნიშნული სხვაობა მიმდინარესა და წინა წლის ფასებს შორის, წელს მეორე ყველაზე დაბალი სხვაობაა. რძის პროდუქტის ფასები ყველაზე ახლოს ოქტომბერში იყვნენ, მაშინ სხვაობამ 1.78% შეადგინა. 2018 წელს, GDPI ინდექსი, და შესაბამისად რძის პროდუქტების კალათის ღირებულება, წინა წლისას საშუალოდ 4.20%-ით აღემატება.

172

 

მსგავსი

 

სიღნაღში 2 თვეში თანამედროვე მერძეული ფერმა გაიხსნება

სიღნაღის მუნიციპალიტეტის სოფელ ქვემო ბოდბეში თანამედროვე ფერმა შენდება, რომელიც ორი თვის შემდეგ დ...