თბილისში ადგილობრივი წარმოების ცხოველური წარმოშობის პროდუქტების მარკეტი „წერტი“ გაიხსნა

 

თბილისში, წყალტუბოს ქუჩაზე, ქართული წარმოების პროდუქციის თანამედროვე სტანდარტის მაღაზია გაიხსნა. ამ ბრენდირებულ მაღაზიას „წერტი“ ჰქვია, სადაც მომხმარებელს კომპანიის „აგროქიზიყი“ და მისი პარტნიორი ფერმერების მიერ წარმოებული მაღალი ხარისხის, ეკოლოგიურად სუფთა ხორცისა და ხორცპროდუქტების, რძისა და რძის ნაწარმის, თევზის, კახური თონის პურისა და სხვა პროდუქციის შეძენის შესაძლებლობა ექნება. ქართული პროდუქციის გარდა აღნიშნულ მარკეტში ნახევარფაბრიკატებიც ქნება წარმოდგენილი.

„კონკურენტუნარიანი და მაღალი ხარისხის პროდუქციის წარმოების ხელშეწყობა ჩვენი ერთ-ერთი მთავარი პრიორიტეტია. კონცეფცია ფერმიდან-სუფრამდე მთელ მსოფლიოში ვითარდება და ძალიან პოპულარულია. მისი არსი, პირველადი წარმოებიდან მომხმარებლამდე, ჯანსაღი და უვნებელი სურსათის მიწოდების უზრუნველყოფაა. უნდა აღინიშნოს, რომ რაც უფრო მოკლეა პროდუქციის მიწოდების ჯაჭვი, მით უფრო ახლოა მომხმარებელი მწარმოებელთან, ფერმერთან, შესაბამისად, მათ შორის კომუნიკაცია მეტია, პროდუქციის ხარისხი კი უკეთესი. მსგავსი კონცეფციის, თანამედროვე სტანდარტის მაღაზიების თუ სავაჭრო ობიექტების არსებობა, ერთი მხრივ, სტიმულია ადგილობრივი ფერმერებისთვის აწარმოონ მეტი ხარისხიანი პროდუქცია და მარტივად მოახდინონ მისი მომხმარებლამდე მიტანა და რეალიზაცია, ხოლო მეორე მხრივ, შესაძლებლობას აძლევს მომხმარებელს, ერთ სივრცეში შეიძინოს ადგილობრივი წარმოების, ჯანსაღი, მაღალი ხარისხის სასურსათო პროდუქცია,“- აღნიშნა ლევან დავითაშვილმა კომპანია „აგროქიზიყის“ პირველი ბრენდული მაღაზიის გახსნის საზეიმო ცერემონიაზე.

კომპანია „აგროქიზიყის“ მიერ პროექტში განხორციელებული ინვესტიცია 400 000 ლარს შეადგენს. კომპანია „აგროქიზიყი“ 2011 წელს, დედოფლისწყაროში დაფუძნდა. წლების განმავლობაში, კომპანიამ ფერმერთა მომსახურებისა და სერვისების სპექტრი გააფართოვა. „წერტი“ კომპანია „აგროქიზიყისთვის“ ადგილობრივი წარმოების სასურსათო პროდუქციის პირველი ბრენდული მაღაზიაა.

117

 

მსგავსი

 

ახალგაზრდა ფერმერმა შოთა მუხიგულაშვილმა დუშეთში მესაქონლეობის ფერმა შექმნა

 

რამდენიმე თვის წინ ახალგაზრდა ფერმერმა შოთა მუხიგულაშვილმა დუშეთის მუნიციპალიტეტ...

დღეს თბილისში მერძევე მესაქონლეობის სამდღიანი ტრენინგის დასკვნითი სწავლება მიმდინარეობს

 

დღეს თბილისში „სასტუმრო მუზეუმში“ მესაქონლეობის სამდღიანი ტრენინგის...

ესტონელმა სპეციალისტმა კალე კასკმა ქართველი ფერმერებისთვის ულტრაბგერითი დიაგნოსტიკის მასტერკლასი ჩაატარა

 

„საქართველოს მერძევეობის ასოციაციის“ ორგანიზებით და გაეროს სურსათისა...

 

comments powered by Disqus